الكرة في مصر لا تصلح بدون الدراويش… الغندور يدعم الإسماعيلي بعد مشكلته الأخيرة

3 أشهر منذ

كريم احمد الحسيني

ظهر النجم خالد الغندور أسطورة نادي الزمالك المصري ليتحدث عن إمكانية عدم مشاركة نادي الإسماعيلي في الدوري المصري في الموسم الحالي وقال:

“مهما كانت الأخطاء اللي حصلت فأي مشجع إسماعيلاوي أكيد له أب شهيد أو جد أو ابن عم أو جار له، بيوت صحيح اتساوت بالأرض في سنين الحرب لكن قصص بطولاتها عمرها ما هتتنسي مصر ما بتنساش ورجالة مصر الشرفا مبينسوش”.

واستطرد:” ديون الإسماعيلي لو بالدولار ما تجيبش مليون ونص يعني تمن صفقة من اللي بيمولها رجال الأعمال الأغنياء من محبي الأندية، الإسماعيلية تستحق نقف جنبها شعب الإسماعيلية يستحق يفرح ويطمن وزي ما ضحى كتير عشان مصر فمن حقه إن مصر متنسهوش”.

واختتم:” بكرة آخر مهلة للدفع أو الجدولة وأنا متأكد إن الإسماعلاوية مش هيحزنوا بإذن الله وإن نجمنا الأسطورة العالمي محمد صلاح ووالده وأسرته .، عمرهم ما هيحزنوا باعتبارهم من أشهر مشجعي الإسماعيلي في العالم، الإسماعيلي بإذن الله هيتجاوز أزماته، لأن الكورة مش هتقدر تغني ألحانها الجميلة في مصر من غير كورال الدراويش، وألحان السمسية”.

الإسماعيلي تاريخ ليس كروي فقط

وأشار الغندور إن مدينة الإسماعيلي له فضل ليس كرويًا فقط بل في الحروب والمعارك حيث قال: “الإسماعيلية تاريخ طويل من النضال، تاريخ مكتوب مش بحروف من نور بس لا ده مكتوب بالدم والتضحيات”.