أنشيلوتي على أعتاب السيليساو بعرض خيالي من البرازيل مفاجئ

شهر واحد منذ

Rodyna Emad Elmansy

كشفت شبكة “ريليفو” الإسبانية إن الاتحاد البرازيلي لكرة القدم قدم عرض ضخم جدًا للمدرب الإيطالي كارلو أنشيلوتي عشان يتولى تدريب المنتخب البرازيلي، السيليساو، بعقد بنفس قيمة عقده الحالي مع ريال مدريد!

التقرير قال إن العرض ده غير معتاد أبدًا من ناحية القيمة المادية، وإن البرازيل ناوية تقنع أنشيلوتي بأي شكل قبل اقتراب مونديال 2026.

الراتب الرسمي ما اتقالش، بس حسب التقرير، أنشيلوتي هيكون من أعلى المدربين أجرًا في العالم، وممكن كمان يكون الأعلى لو وافق.

أنشيلوتي من ناحيته، حسب الصحيفة، بقى عنده رغبة قوية إنه يخوض تجربة قيادة منتخب كبير زي البرازيل في كأس العالم، وده بيقربه أكتر من الموافقة على العرض.

والأمر ازداد سخونة بعد خروج ريال مدريد من دوري أبطال أوروبا، اللي خلّى منصب أنشيلوتي مهدد، خصوصًا وإن تقارير تانية قالت إن إدارة الريال ناوية تقيله لو خسر نهائي كأس ملك إسبانيا قدام برشلونة السبت الجاي.

ده كله خلى مستقبل أنشيلوتي مجهول جدًا، وفيه احتمال كبير إننا نشوفه في مونديال 2026 لكن على دكة السيليساو بدل دكة الملكي، والقرار النهائي لسه ما تحددش.